FIANGONANA KRISTIANINA MALAGASY New-York (FKM-NY)

FANADALINAM-PINOANA 11 Novambra 2007

Ry havana malala,

Ny fahasoavan'i Jesoa Kristy ho amintsika rehetra,

Miala tsiny fa nohon'ny fandaminana maha metimety ny fivoriana dia hifindra ny toerana hanaovana ity adihevitra ity. Jereo io ambanay io ny adiresy.

Mitohy ny fandaharana eto amin'ny FKM-NY. Ny fotoana manaraka dia ny:

  • Alahady 11 Novambra 2007.
  • Toerana: French Evangelical Church Manhattan (126 west 16th Street -anelanelan'ny 6th sy 7th Avenue)
  • Fotoana: 3:00 PM-6:00 PM
  • Fandaharana: adihevitra mikasika ny lohateny hoe:

"Andriamanitra sy ny fahoriana ary ny loza, misy fanazavana ve?"

    Efa misy mametraka fanotaniana sahady amintsika mianakavy, anisan'ny hovoaboasantsika rehetra ao ireto manaraka ireto:

  • Mety misy ve fifandraisana amin'ny loza amin'atambo miseho amin'izao fotoana izao sy ny voalaza ao amin'ny boky apokalypsy?
  • Raha " par construction " tsy maintsy misy horohorontany eto amin'izao tontolo izao, tsy maintsy misy volokano mipoaka koa, tokony hionona ve isika fa izany nohon' ny maha tany ny tany ? Eo ambonin'ny " ticking bomb " mantsy isika no toa monina, ka ahoana no hanazavana izany amin'ny Kristianina? Ary tsy tokony ho hadinoina fa ho faty daholo isika. Ka raha izany tokony hifidy ny fomba ahafatesany ve ny olombelona? Hadino ve ny sitrapon' Andriamanitra?
  • Mitory ny fihavian'i Kristy ve ny fahamaroan'ny atambo isanisany? Sa hatramin'izay nisy loza foana fa isika no tsy mahafantatra.
  • Ahoana ny fifandraisan' ny filazantsara nosoratan'i Matio toko faha 24 sy ny boky Apokalypsy nosoratan'i Jaona?

    Angatahina izay mety mbola manana fanotaniana manitikitika hametraka izany sahady (alefa amin'ny mpitantsoratry ny FKM-NY) ahafahan'ny rehetra manomana tsara io adihevitra io. Mazava fa adihevitra no hatrehina koa ny rehetra manatrika no hitondra valim-panotaniana.

    Mandritry io fotoana io dia hifidy ireo olona hatao ao anatin'ny "Board of Trustee" amin'ny fananganana ny FKM-NY ara-panjakana isika.

    Manatena ny rehetra hanatrika io fotoana io.

    Pasteur Samoela Andriani
    Sy ny Biraon’ny Fiangonana
    FKM-New York

    Ho an'ny mpiray tanindrazana sendra mandalo aty Amerika avaratra, milaza izahay fa akoatra ny fiarahana mivavaka misy eto New York sy ny Manodidina dia misy koa any:

    WASHINGTON
    MONTREAL

    Ireo fiarahana mivavaka ireo dia mbola atao isaky ny vanimpotoana lehibe fa tsy isaky ny alahady akory.
    Manasa anao izahay hitsidika ny takelaka tranonkalan'ny isan-tokony mba ahafantaranao tsara ny fandaharana amin'ireo toerana ireo

    Loha Pejy | Malagasy | English | Vaovao Farany | Contact